एजेन्सी । लेस्टर सिटीका डिफेन्डर बेन चिल चेल्सीमा आबद्ध भएका छन् ।
लण्डन क्लब चेल्सीले ५० मिलियन पाउण्डमा लेस्टरका डिफेन्डरलाई क्लबमा अनुबन्धन गरेको हो । ईङ्लिस डिफेन्डरले हप्ताको १ लाख ९० हजार पाउण्ड तलब पाउने शर्त सहित ५ बर्षका लागि चेल्सीसंग सम्झौता गरेका छन् ।
२३ बर्षिया खेलाडीलाई यस समर ट्रान्सफरमा चेल्सीले मुख्य खेलाडीको रुपमा आखाँ लगाएको थियो ।
दुई पटकको सरुवा बजारमा प्रतिबन्ध भोगेको चेल्सीले यस समर ट्रान्सफरमा मनग्य पैसा खर्च गर्ने संकेत गरेको छ ।
चेल्सीले यसअघि टिमो वार्नर र हाकिम जियाचलाई क्लबमा अनुबन्धन गरिसकेको छ ।
‘क्लबका लागि यस रोमाञ्चक समयमा जोडिन पाउँदा खुसी छु ।’ चिलवेकले भने ।
‘फ्रान्क लाम्पार्डको नेतृत्वमा यस युवा र प्रतिभाशाली टिमको हिस्सा बन्नका लागि उत्सुक थिए । हामी अर्को सिजन यस सम्मानका लागि चुनौती दिनेछौ ।’ उनले भने ।
‘म प्रतिक्षा गर्ने अवस्थामा छैन । आशा छ, स्टामफोर्ड ब्रिजमा चेल्सीका प्रशंसक समक्ष खेल्नु अघि यो धेरै लामो हुने छैन ।’ चिलवेकले थपे ।
चिलवेक अनुबन्धनलाई लाम्पार्डले प्राथमिकतामा राखेका थिए । ईङ्लिस डिफेन्डरलाई म्यान्चेष्टर सिटीले समेत अनुबन्धन गर्न चाहेको थियो ।
चिलवेकले लेस्टरसंग ११ बर्षको सहकार्यलाई बिट मार्दै चेल्सी आएका हुन् । उनले सन् २००९ मा लेस्टर सिटीमा आबद्ध भएका थिए । उनले लेस्टरका लागि १ सय २३ खेलमा ४ गोल समेत गरेका छन् ।
‘आउने सिजनका लागि रोमाञ्चक टिमसंग तेस्रो अनुबन्धन पुरा गर्न पाउँदा निकै खुसी छौ ।’ चेल्सीकी निर्देशक मरिना ग्रानोब्सकियाले भनिन् ।
‘बेनले आफ्नो छोटो उमेरमा प्रिमियर लिग, च्याम्पियन्स लिग र अन्तराष्ट्रिय स्तरमा खेल्ने शीर्ष स्तरको अनुभव प्राप्त गरेका छन् ।’ उनले भनिन् ।
गत सिजन चेल्सीले चौथो स्थानमा रहदै लिगको अन्त्य गरेको थियो । लाम्पार्ड शीर्ष स्थानको लिभरपुल र दोस्रो स्थानको म्यान्चेष्टर सिटीसंग दुरी कम गर्न खेलाडी सरुवा बजारमा निकै जोड दिएका छन् ।
चेल्सी बायर लिभरकुसनका फरवार्ड काई हाभर्ट्ज र अनुभवी डिफेन्डर थियागो सिल्भा अनुबन्धनको नजिक छ ।
-1753545694.jpg)
