एजेन्सी । म्यान्चेष्टर सिटीले लियोनल मेस्सीलाई अनुबन्धन गर्ने गृहकार्य सुरु गरेको छ । उसले यस समर ट्रान्सफरमा मेस्सीलाई अनुबन्धन गर्ने सकिने सम्भावनाको बिषयमा आन्तरिक गृहकार्य अघि बढाएको हो ।
अर्जेन्टिनी फरवार्ड नाउ क्याम्पमा आफ्नो भविष्यलाई लिएर अनिश्चितता ब्यक्त गरिरहेका छन् । च्याम्पियन्स लिगको क्वार्टरफाईनलमा बायर्न म्युनिखसंग पराजित भएपछि मेस्सीले बार्सिलोना छाड्न चाहेको बताएका छन् ।
ईएसपीएनका अनुसार सिटीका प्रशिक्षक तथा मेस्सीका पूर्व म्यानेजर पेप ग्वार्डीओला अर्जेन्टिनी लिजेण्डलाई अनुबन्धन गर्न क्लबको बित्तिय अवस्था र बार्सिलोनाले निर्धारण गरेको मुल्यको सम्भावनाको खोजी गरिरहेका छन् ।
क्लबको बित्तिय अनुशासनको नियम पालना हुने अवस्था र बार्सिलोना मेस्सीका लागि निर्धारण गरेको मुल्यमा छलफल गर्न खुल्ला भए अर्जेन्टिनी फरवार्डलाई अनुबन्धनका लागि औपचारिक प्रस्ताव राख्ने सिटीको तयारी छ ।
रिपोर्टका अनुसार बार्सिलोनाका केही बोर्ड सदस्य ३३ बर्षिय फरवार्डलाई बेच्ने विल्कपमा खुल्ला हुनुपर्ने बताएका छन् । मेस्सीले बार्सिलोना छाड्न चाहेमा उनलाई बेच्ने विकल्प समेत खुल्ला राख्नुपर्ने उनीहरुको तर्क छ ।
बार्सिलोनाले गत हप्ता साउथह्याम्टन, एभर्टन र नेदरल्याण्डका पूर्व प्रशिक्षक रोनाल्ड कोम्यानलाई क्लबको नयाँ प्रशिक्षकमा नियुक्त गरेको छ । उनले समेत मेस्सीसंग भेटर नयाँ योजनाका बिषयमा छलफल गरेका छन् ।
मेस्सीले आफ्नो क्लब फुटबल करियमरमा बार्सिलोनामा मात्र खेलेका छन् । तर सन् २०१९–२० को सिजन निकै खराब रहेपछि उनले क्लब छाड्ने मनसाय बनाएका छन् ।
उनी सन् २००७–०८ पछि पहिलो पटक उपाधि विहिन सिजन बिताएका हुन् । बार्सिलोनाले घरेलु ला लिगाको उपाधि समेत रियल मड्रिडलाई सुम्पिएको थियो ।
उनको क्लबसंगको सम्झौता अर्को समरसम्म मात्र बाँकी छ । बार्सिलोनाका अधिकारीहरु मेस्सीमाथि निर्धारण गरिएको रिलिज क्लोज भन्दा कम मुल्यमा आफ्ना फरवार्ड बेन्च नसकिने बताउँदै आएका छन् ।
युरोपेली फुटबल महासंघले निर्धारण गरेको बित्तिय अनुशासनको नियम र कोरोना भाईरसको कारण उत्पन्न आर्थिक संकटका कारण मेस्सी अनुबन्धन गर्न सिटीलाई गाह्रो पर्ने देखिन्छ ।
बित्तिय अनुशासन पालना नगरेको आरोपमा गत महिना मात्र कोर्ट अफ आर्बिटेसनले सिटीमाथिको दुई बर्षको प्रतिबन्ध फुकुवा गरेको थियो ।
सम्झौता सफल भएको खण्डमा मेस्सीको तलब सहितको मुल्यले नयाँ विश्व कीर्तिमान कायम गर्नेछ । सन् २०१७ मा फ्रान्सेली क्लब पीएसजीले नेयमारलाई २ सय मिलियन पाउण्डमा बार्सिलोनाबाट कीर्तिमानी मुल्यमा अनुबन्धन गरेको थियो ।
ग्वार्डीओलाको नेतृत्वमा मेस्सीले बार्सिलोनामा सफल बर्ष बिताएका थिए । मेस्सीले ग्वार्डीओलासंग मिलेर बार्सिलोनामा दुई च्याम्पियन्स लिग र तीन ला लिगा उपाधि जितेका थिए ।
सिटीका अध्यक्ष खलदुन अल मुबारकले निकै जोडका साथ समर ट्रान्सफरमा नयाँ खेलाडीहरु थपिने बताएका छन् ।
-1753545694.jpg)
