एजेन्सी । नेयमार च्याम्पियन्स लिग फुटबलको फाईनलमा प्रतिबन्धित हुन सक्ने देखिएको छ ।
सेमिफाईनलमा आरबी लाइपजिगबिरुद्धको खेल लगत्तै जर्सी साटेका नेयमारलाई युरोपेली फुटबल महासंघ (यूईएफए)ले फाईनल खेलका लागि प्रतिबन्धित गर्न सक्नेछ ।
ब्राजिली स्टार नेयमारले यूईएफएले बनाएको कोरोना प्रोट्रोकलको नियम तोडेका थिए । लाइपेजिगबिरुद्ध ३–० को जित निकालेपछि नेयमारले जर्मन क्लबका डिफेन्डर मार्सेल हेलस्टेनबर्गसंग क्यामराका अगाडी जर्सी साटेका थिए ।
यूईएफएको ३१ पेजको प्रोट्रोकलमा खेलाडीलाई आफ्नो शर्ट उतार्न निषेध गरिएको छ ।
पीएसजीले आगामी बुधबार च्याम्पियन्स लिगको फाईनलमा बायर्न म्युनिख र लियोनबीचको विजेतासंग खेल्दैछ । जसमा ब्राजिली स्टार नेयमारले खेल गुमाउने प्रबल सम्भावना देखिएको छ ।
रिपोर्ट अनुसार खेलपछि टिशर्ट साटेको पाईएमा एक खेलको निलम्बन र १२ दिन एकान्तबासमा बस्न पर्ने सजाए हुन सक्छ ।
२८ बर्षका नेयमारले जर्मन क्लबबिरुद्ध पीएसजीलाई जित दिलाउन प्रेरणादायी प्रर्दशन गरेका थिए । पीएसजी पहिलो पटक च्याम्पियन्स लिगको फाईनलमा प्रवेश गरेको छ ।
कीर्तिमानी मुल्य १ सय ९८ मिलियन पाउण्डमा पीएसजी आएका नेयमारले पहिलो हाफमा गरेका दुई प्रहार पोस्टमा लागेका बाहिरिएको थियो ।
नेयमारले पीएसजीका लागि दोस्रो गोल गरेका एन्जल डी मारियलाई डी बक्सभित्र ‘ब्याकहिल’ पास समेत उपलब्ध गराएका थिए ।
डी मारियासंगै, मार्किन्होस र जुआन बर्नाटले गोल गरेपछि पीएसजीले सेमिफाईनलमा ३–० को सहज जित निकालेको थियो ।
नेयमारले यस सिजन पीएसजीलाई फाईनल पुर्याउन महत्वपूर्ण योगदान गरेका छन् । उनले यस सिजन पछिल्ला ६ खेलमा तीन गोल गर्नुका साथै ४ गोलको अवसर सिर्जना गरेका छन् ।
