लिग वानकाे पहिलाे खेलनै स्थगित

एजेन्सी । फ्रेन्च लिग वान अन्तर्गत नयाँ सिजनको पहिलो खेल स्थगित भएको छ ।

खेलाडीमा कोरोना भाईरसको संक्रमण देखिएसँगै मार्सेली र सेन्ट इटिनेबीच तय सिजनको पहिलो खेल स्थगित भएको हो ।

मार्सेली र सेन्ट इटिनेबीचको खेल शुक्रबार हुने तालिका रहेको थियो ।

तर, मार्सेलीका चार खेलाडीमा कोरोना पोजेटिभ देखिएपछि खेल स्थगित गरिएको हो ।

अब दुई टोलीबीचको खेल सेप्टेम्बरमा हुने बताईएको छ ।

मंगलबार मात्र मार्सेलीका थप तीन खेलाडीमा कोरोना देखिएको थियो ।

मार्सेलीले कोरोना पोजेटिभ हुने खेलाडीको नाम खुलाएको छैन ।

तर,फ्रेन्च मिडियाले गोलकिपर स्टिभ माण्डन्डा, म्याक्सीमि लोपेज र भ्यालेन्टिन रोन्गिर रहेको जनाएका छन् ।

यस अघि डिफेन्डर जोर्डन अमाभीलाई पनि कोरोना देखिएको थियो ।