नेयमार 'म्यान अफ द म्याच'

एजेन्सी । पेरिस सेन्ट जर्मेन (पीएसजी)का फरवार्ड नेयमारले म्यान अफ दी म्याच अवार्ड प्राप्त गरेका छन् ।

च्याम्पियन्स लिग फुटबलको क्वार्टरफाईनलमा ईटालियन क्लब एटलान्टाबिरुद्ध उत्कृष्ट प्रर्दशन गरेका नेयमारले म्यान अफ दी म्याच चुनिएका हुन् ।

पीएसजीलाई पछिल्लो २५ बर्षको ईतिहासमा पहिलो पटक सेमिफाईनल पुर्याउन नेयमारले उत्कृष्ट खेल प्रर्दशन गरेका थिए ।

नेयमार प्रेरित पीएसजीले एटलान्टालाई २–१ गोल अन्तरले हराएको हो ।

पीएसजीका दुवै गोलमा नेयमारले भूमिका खेलेका थिए ।

खेलको अन्तिम मिनेटमा उनैले निकालेको पासमा मार्किन्होसले गोल गर्दै खेल बराबरीमा ल्याएका थिए।

नेयमारकै पासमा केलियन एम्बाप्पेले निकालेको क्रममा चोपो मेटिङले गोल गर्दै पीएसजीलाई पुनरागमन जित दिलाएका थिए ।

खेलमा दुई गोलको अवसर खेर फालेपनि नेयमारले पीएसजीलाई खेलको अन्तिम मिनेटमा जित दिलाउन महत्वपूर्ण भुमिका खेलेका थिए ।

याे पनि, नेयमार, पीएसजी र नियती !