एजेन्सी । बोरुसिया डर्टमण्डका स्टार जाडोन साञ्चो जर्मन क्लबमै रहने भएका छन् ।
प्रिमियर लिग क्लब म्यानचेस्टर युनाईटेड सहित युरोपका अधिकांश ठुला क्लबले नजर लगाईरहेका साञ्चो डर्टण्डमै रहने क्लबले जनाएको हो ।
क्लब स्पोर्टिङ डाइरेक्टर माईकल जोरले ईग्ल्याण्डका फरवार्ड अर्को सिजन समेत डर्टमण्डमै रहने निश्चित भएको बताएका छन् ।
२० वर्षीय फरवार्डको नाम समावेश गर्दै डर्टमण्डले स्विटजरल्याण्डमा ट्रेनिङ क्याम्प सुरु गर्दैछ ।
क्लबले साञ्चो अनुबन्धनका लागि अगष्ट १० सम्मको समय निर्धारण गरेको थियो । डर्टमण्डले निर्धारण गरेको समय रेखा पार भएसंगै स्पोर्टिङ डाईरेक्टरको सो भनाई बाहिर आएको हो ।
साञ्चो म्यान्चेष्टर युनाईटेडको उच्च प्राथमिकतामा रहदै आएका छन् ।
‘यस सिजन साञ्चोलाई हामीले क्लबको योजनामा राखेका छौ ।’ जोरले भने ।
‘यहीनै अन्तिम निर्णय हो । यहीनै सबै प्रश्नको उत्तर हो ।’ उनले थपे ।
'पछिल्लो समय उनको प्रर्दशनमा आएको सुधारसंगै हामीले उनको तलब समायोजन गरेको थियौ । सोही कारण उनले सन् २०२३ सम्म आफ्नो अनुबन्धनको समय बढाएका थिए ।' जोरले भनेका छन् ।
डर्टमण्डले साञ्चोका लागि सय मिलियन पाउण्डको अपेक्षा गरेको छ । उसले सन् २०१७ मा म्यान्चेष्टर सिटीबाट १० मिलियन पाउण्डमा साञ्चोलाई अनुबन्धन गरेको थियो ।
डर्टमण्डले ट्रेनिङ क्याम्प अन्तर्गत स्विटजरल्याण्डमा दुई खेल खेल्नेछ ।
उनीहरुले साञ्चो लैजानका लागि समय निर्धारण गरेका थिए । नयाँ सिजनको तयारीमा असर नगरोस भन्ने उद्धेश्यले क्लबले समय निर्धारण गरेको हो ।
नयाँ सिजनको खेलाडी सरुवा बजार सेप्टेम्बर १८ बाट सुरु हुनेछ । भने अन्तराष्ट्रिय खेलाडीको सरुवा बजार अक्टोबर ५ सम्म चल्नेछ ।
-1753270648.jpeg)
