टाइसन र जोन्सबीचको भिडन्त सर्यो

एजेन्सी । बक्सिङका पूर्व हेविवेट च्याम्पियन माइक टाइसन र रोय जोन्स जुनियरबीचको भिडन्त पछि सरेको छ ।

अमेरिकाको रिङ टिभी डटकमले बक्सिङका सुपर स्टार टाइसन र जोन्सबीचको भिडन्त सरेको जनाएको छ ।

५४ वर्षीय टाइसन र ५१ वर्षीय जोन्सबीचको प्रतिस्पर्धा लस एन्जलसमा सेप्टम्बर १२ मा हुने भनिएको थियो ।

तर, उक्त भिडन्त अब नोभेम्बर २८ मा हुने बताईएको छ ।

टाइसन र जोन्स एक प्रदर्शनी फाइटका लागि भिड्न लागेका हुन् ।

टाइसनले व्यवसायिक रुपमा सन् २००५ मा अन्तिम पटक प्रतिस्पर्धा गरेका थिए । त्यस खेलमा उनी आयरल्याण्डका केभिन म्याकब्राइडसँग पराजित भएका थिए ।

यस्तै ५१ वर्षका जोन्सले पछिल्लो पटक सन् २०१८ को फेब्रुअरीमा प्रतिस्पर्धा गरेका थिए ।