एन्फाद्वारा विभिन्न विभागमा सदस्यकाे मनोनयन

काठमाडौं । अखिल नेपाल फुटबल संघ एन्फाले विभिन्न कमिटिका सदस्यहरुको मनोनयन गरेको छ । एन्फा अध्यक्ष कर्माछिरिङ शेर्पा फुटबल सञ्चालनकालागि गठन गरिएका विभिन्न कमिटिमा सदस्यलाई मनोनित गरेका हुन् ।

एन्फाले मेडिकल तथा हेल्थ विभागको कमिटि सदस्यमा डा प्रफुल्ल श्रेष्ठलाई निय्क्त गरेको छ । त्यस्तै, गणेश थापा र शुशिल श्रेष्ठलाई प्रतियोगिता कमिटिको सदस्यमा मनोनित गरिएको छ ।

सोही कमिटिमा गणेश बिक्रम शाही र कृण्णजंग गुरुङ समेत सदस्यको रुपमा नियुक्त भएका छन् । त्यस्तै, राष्ट्रिय टिमको तयारी कमिटिको सदस्यमा रामकृण्ण श्रेष्ठ ‘रामबोश’, गोम्बु दोर्जे शेर्पा र मुखिया लामालाई नियुक्त गरिएको छ ।