एजेन्सी । जर्मन क्लब बोरुसिया डर्टमण्डले विंगर जाडोन सान्चो म्यानचेस्टर युनाइटेड आउन सहमत भएका छन् ।
जर्मनीको स्पोर्ट्स म्यागजिन स्पोर्ट्स विल्डले सान्चो युनाइटेड आउन राजी भएको जनाएको छ ।
इंग्लिस विंगर सान्चो हरेक हप्ता ३ लाख ४० हजार पाउण्ड पाउने गरी ओल्ड ट्राफोर्ड आउन सहमत भएको विल्डले जनाएको छ ।
विल्डका अनुसार सान्चोले युनाइटेडसँग पाँच वर्षको सम्झौता गर्ने समेत जनाएको छ ।
२० वर्षे विंगर समर ट्रान्सफरमा सर्वाधिक चर्चामा रहेका खेलाडी हुन् ।
युनाइटेडले यस समरमा सान्चो अनुबन्धका लागि सर्वाधिक चासो देखाएको छ । तर, डर्टमण्डले मोटो रकमको चाहना गरेपछि युनाइटेड सान्चो अनुबन्ध गर्न सकिरहेको छैन ।
डर्टमण्डले १०० मिलियन डलर भन्दा बढीको अपेक्षा गरेको छ ।
यस्तै डर्टमण्डले युनाइटेडलाई सान्चो अनुबन्धका लागि अगस्ट १० सम्मको डेडलाइन समेत तोकेको थियो ।
बुन्डेसलिगामा यस सिजन सान्चोले ३२ खेलमा १७ गोल गरेका थिए ।
सान्चो सन् २०१७ मा म्यानचेस्टर सिटीबाट डर्टमण्ड गएका थिए ।
