एटलान्टालाई मिलानको चुनौती

एजेन्सी । इटालियन सिरी 'ए' फुटबलमा आज (शुक्रबार) दोस्रो स्थानको एटलान्टा र एसी मिलानबीच प्रतिस्पर्धा हुँदैछ ।

एटलान्टाले मिलानसँग उसैको मैदानमा खेल्नेछ । दुई टोलीबीचको खेल नेपाली समय अनुसार राति १:३० बजे सुरु हुनेछ ।

घरेलु टिमविरुद्ध मैदान उत्रदा एटलान्टा स्पष्ट जितको खोजीमा हुनेछ । मिलानलाई हराएर एटलान्टा लिग लिडर युभेन्ट्ससँगको अनक दुरी घटाउन समेत चाहन्छ ।

एटलान्टाले ३५ खेलमा ७४ अंक जोडेको छ । युभेन्ट्सको ८० अंक रहेको छ ।

यस सिजन उपाधिका लागि युभेन्ट्सलाई मात्र ३ अंकको आवश्यकता रहेको छ ।

तर, एटलान्टा घरेलु टोलीलाई हराएर युभेन्ट्समाथि दबाब सिर्जना गर्न चाहन्छ ।

यता, मिलान घरेलु मैदानमा जित निकाल्दै लिगको पाँचौं स्थानमा उक्लन चाहन्छ ।

छैटौं स्थानको मिलानले ५९ अंक जोडेको छ । एटलान्टालाई हराउँन सके मिलान रोमालाई पछि पार्दै शीर्ष पाँचमा उक्लनेछ ।