एजेन्सी । क्रिस्टियानो रोनाल्डो चम्किएको खेलमा सिरि ए फुटबलमा युभेन्ट्सले सहज जित निकालेको छ ।
सोमबार राति घरेलु मैदानमा युभेन्ट्सले लाजियोलाई २–१ गोल अन्तरले हराएको छ ।
युभेन्ट्सको जितमा रोनाल्डोले दुवै गोल गरे । रोनाल्डो सिरि ए, ला लिगा र प्रिमियर लिगमा ५० गोल पुरा गर्ने पहिलो खेलाडी बनेका छन् ।
युभेन्ट्सलाई लगातार नवौं लिग उपाधि जित्न मात्र ४ अंक आवश्य देखिएको छ ।
रोनाल्डोको पेनाल्टीमार्फत युभेन्ट्सलाई अग्रता दिलाएका थिए । पाउलो ड्याबालाको पासमा रोनाल्डोले दोस्रो गोल गरेका थिए ।
सिराे ईम्मोबिलले पेनाल्टीमा गोल गर्दै लाजियोलाई खेलमा फर्काउने कोशिश गरेपनि त्यो पर्याप्त रहेन ।
रोनाल्डो र ईम्मोबिल सिरि एको सर्वाधिक गोलको दौडमा ३० गोल गर्दै अघि देखिएका छन् ।
पोर्चुगलका कप्तान रोनाल्डोले सन् २००७–८ पछि पहिलो पटक युभेन्ट्सबाट सिरि ए फुटबलमा गोल्डेन बुटका लागि दाबेदारी प्रस्तुत गरेका छन् । सन् २००७–८ को सिजन एलेसेन्ड्रो डेल पिएरोपछि पहिलो पटक रोनाल्डो क्लबबाट गोल्डेन बुटको दौडमा अघि देखिएका हुन् ।
युभेन्ट्स पछिल्लो तीन खेलमा जित निकाल्न असफल देखिएको थियो । अब युभेन्ट्सलाई लिग उचाल्न बाँकी ४ खेलमा मात्र ४ अंक आवश्यक देखिएको छ ।
रोनाल्डो सिरि ए मा ३० गोल पुरा गर्ने युभेन्ट्सका तेस्रो खेलाडी बनेका छन् । ईम्मोबिल भने ३० गोल पुरा गर्ने पाँचौ ईटालियन खेलाडी हुन् ।
रोनाल्डो सबै भन्दा छिटो ५० गोल पुरा गर्ने सिरि एकको यस शताब्दीकै पहिलो खेलाडी हुन् । उनले ६१ खेलमा सो उपलब्धी हासिल गरेका हुन् ।
शीर्ष स्थानको युभेन्ट्सको ८० अंक भएको छ । दोस्रो स्थानको ईन्टरसंग युभेन्ट्सले ८ अंकको अग्रता लिएको छ । युभेन्ट्स उपाधिकाे यात्रामा निकै नजिक देखिएकाे छ ।
चौथो स्थानको लाजियो ६९ अंक सहित च्याम्पियन्स लिग छनोटको दौडमा यथावत छ ।
