एजेन्सी । प्रिमियर लिग फुटबलमा म्यान्चेष्टर सिटीले स्तब्धपूर्ण नतिजा आत्मसाथ गरेको छ ।
आईतबार राति साउथह्याम्टनको घरेलु मैदानमा सिटी १–० ले स्तब्ध बनेको हो ।
खेलको १६ औं मिनेटमा एडम्सले गोल गर्दै घरेलु टोलीलाई अप्रत्यासीत जित दिलाए । एडम्स बर्ष दिनअघि मात्र १५ मिलियन पाउण्डमा बिर्मिङघम सिटीबाट प्रिमियर लिग क्लब आएका थिए ।

४० यार्ड टाढाबाट उनको प्रहारमा सिटीका गोलकिपर ठम्याउनै सकेनन् । गोलकिपर अघि बढेको मौकाको फाईदा उठाउँदै एडम्सको प्रहारले जाली चुमेको थियो ।
उनले यस सिजन क्लबका लागि ३३ खेल खेलेका छन् । उनले गत सिजन च्याम्पिनसिपको ४६ खेलमा २२ गोल गरेका थिए ।
सिटीले बिहिबार घरेलु मैदानमा लिग च्याम्पियन लिभरपुललाई ४–० ले हराएको थियो । सो टिमका ६ खेलाडी सिटीले साउथह्याम्टनबिरुद्ध परिवर्तन गरेको थियो ।

मुख्य प्लेमेकर केभिन डी ब्रुईनलाई प्रशिक्षक पेप ग्वार्डीओलाले सुरुवाती लाईनअपमा आराम दिएका थिए । दोस्रो हाफमा ब्रुईनलाई मैदान छिराएपनि सिटीले हार टार्न सकेन ।
सिटी ६६ अंक सहित तालिकाको दोस्रो स्थानमा छ । सिटी शीर्ष स्थानको लिभरपुल भन्दा २३ अंकले पछाडी छ । साउथह्याम्टन ४३ अंक सहित १३ औं स्थानमा उक्लिएको छ ।