एजेन्सी । इंगलिस क्लब म्यानचेस्टर युनाइटेडका प्रशिक्षक ओले गनर सोल्सायरले क्लबलाई लिगको उपाधि जित्न निकै गाह्रो हुने बताएका छन् ।
इंगलिस एफए कप अन्तर्गत नर्विचसँगको खेल अघि पत्रकार सम्मेलनमा बोल्दै प्रशिक्षक सोल्सायरले उपाधि जित्न युनाइटेडलाई कठिन रहेको स्वीकार गरेका हुन् ।
'हामी इमान्दार भएर भन्नुपर्छ कि अहिले झन् गाह्रो छ,' सोल्सायरले भने, 'हामी सधै कठिन चुनौती छ । चाहे त्यो आर्सनल, चेल्सी र लिभरपुल । तर, प्राय जस्तो यी टोलीमध्ये एकले हामीलाई चुनौती दिन्थ्यो ।'
युनाइटेडले सन् २०१३ पछि लिगको उपाधि जित्न सकेको छैन । मुख्य प्रशिक्षक सर एलेक्स फर्गुसनले टिम छाडेपछि युनाइटेडले एक एक पटक युरोपा लिग, एफए कप र इएफएल कप जितेको छ ।
करिब २६ वर्ष युनाइटेडको टिम हेरेका फर्गुसनले क्लबलाई १३ लिगको उपाधि दिलाएका थिए । उनले क्लबका लागि कुल ३८ उपाधि दिलाएका थिए ।
फर्गुसनले छाडेपछि युनाइटेड शीर्ष पाँचमा रहन संघर्ष गर्दै आइरहेको छ । यस सिजन युनाइटेड पाँचौं स्थानमा रहेको छ ।
यस सिजन लिभरपुलले उपाधि जितिसकेको छ । लिभरपुलले ३० वर्षपछि लिगको उपाधि जितेको हो ।
युनाइटेड भने यस सिजन शीर्ष ३ मा रहने योजनामा रहेको छ ।
'तेस्रो स्थानमा रहन सामान्य छैन । अब कम्तिमा चार अथवा पाँच क्लब छन् । जसले लिग र कप जित्छ सक्छन्,' सोल्सायरले थपे ।
