एफए कप : युनाइटेड र नर्विच भिड्दै

एजेन्सी । एफए कप फुटबल अन्तर्गत क्वाटरफाइनलको पहिलो खेल आज (शनिबार) हुँदैछ ।

कोरोना भाईरसको महामारीपछि स्थगित एफए कप पुनः सुरु हुन लागेको हो ।

क्वाटरफाइनलको पहिलो खेलमा म्यानचेस्टर युनाइटेडले नर्विच सिटीसंग खेल्नेछ ।

नर्विचको मैदानमा हुने खेल नेपाली समय अनुसार राति १०:१५ बजे सुरु हुनेछ ।

दुवै टिम जित निकाल्दै सेमिफाइनलमा पुग्ने लक्ष्यमा हुने छन् ।

प्रिमियर लिगको पुछारको क्लब नर्विचविरुद्ध युनाइटेडलाई केहि सहज हुने अनुमान गरिएको छ ।

तर, नर्विच युनाइटेडलाई स्तब्ध बनाएर अन्तिम चारमा पुग्न चाहन्छ ।

एफए कपको अन्य क्वाटरफाइनल खेल आइतबार हुनेछ ।

अन्य क्वाटरफाइनलमा लेष्टर सिटी र चेल्सी तथा म्यानचेस्टर सिटी र न्युकासल युनाइटेड खेल्ने छन् ।

त्यस्तै सेफिल्ड युनाइटेड र आर्सनल बीच खेल हुनेछ ।

एफए कपको सेमिफाइनल जुलाई ११ र १२ मा हुनेछ । फाइनल खेल अगष्ट १ मा हुनेछ ।