हसेनहुट्टल थप चार वर्ष साउथह्याम्पटनमा

एजेन्सी । इंग्लिस प्रिमियर लिग क्लब साउथह्याम्पटनका मुख्य प्रशिक्षक राल्फ हसेनहुट्टलले क्लबसँगको सम्झौता नवीकरण गर्ने भएका छन् ।

प्रशिक्षक हसेनहुट्टल थप चार वर्ष क्लबमा रहने गरि नयाँ सम्झौता गर्न राजी भएको स्काई स्पोर्ट्सले जनाएको छ ।

क्लबसँग नयाँ सम्झौता गरे प्रशिक्षक हसेनहुट्टल सन् २०२४ सम्म साउथह्याम्पटनमा रहने छन् ।

५२ वर्षे प्रशिक्षक हसेनहुट्टल सन् २०१८ को डिसेम्बरमा साउथह्याम्पटन आएका थिए ।

यस सिजन साउथह्याम्पटन लिगको १४ औं स्थानमा रहेको छ ।

लिगमा ९ खेल बाँकी रहदा साउथह्याम्पटन रेलिगेसन क्षेत्रको टिम भन्दा ७ अंकले अघि रहेको छ ।

अष्ट्रियन प्रशिक्षक हसेनहुट्टलले साउथह्याम्पटन आउनु अघि जर्मन क्लब आरबी लाइपजिग हेरेका थिए ।