बर्लीनलाई हराउँदै मन्छेनग्लाडबाख शीर्ष तीनमा

एजेन्सी । बोरुसिया मन्छेनग्लाडबाख जर्मन बुन्डेसलिगा फुटबलको तेस्रो स्थानमा उक्लिएको छ ।

आइतबार भएको खेलमा युनियन बर्लीनलाई ४-१ गोल अन्तरले हराउँदै मन्छेनग्लाडबाख तेस्रो स्थानमा उक्लिएको हो ।

घरेलु मैदानमा मन्छेनग्लाडबाखलाई जित दिलाउन मार्कुस थुरामले दुई गोल गरे ।

यस्तै फ्लोरिन न्युहाउस र अलासेन प्लियाले एक एक गोल गरे ।

बर्लीनका सेबास्टियन एण्डरसनले एक गोल फर्काए ।

जितसँगै तेस्रो स्थानमा उक्लिएको मन्छेनग्लाडबाखले २९ खेलमा ५६ अंक जोडेको छ ।

बर्लीन ३१ अंकसहित लिगको १४ औं स्थानमा रहेको छ ।