अनुष्काको बलमा विराटको ब्याटिङ

एजेन्सी । कोरोना भाईरसको महामारीको कारण विश्व खेलकुद ठप्प रहेको छ ।

मैदानमा देखिने खेलाडीहरु घरमै बस्नु परेका छन् । उनीहरुले प्रशिक्षण गर्न पाएका छैनन् ।

कतिपय खेलाडी भने घरमै सामान्य प्रशिक्षण गरिरहेका छन् ।

भारतीय क्रिकेट कप्तान विराट कोहली समेत लकडाउनको कारण मैदान उत्रन पाएका छैनन् । तर, उनले घरमै सामान्य प्रशिक्षण गरिरहेका छन् ।

हालै विराटले घरमै प्रशिक्षण गरेको भिडियो सामाजिक संजालमा सार्वजनिक गरेका छन् ।

यस्तै अहिले विराटले धर्मपत्नी अनुष्का शर्माको बलिङमा ब्याटिङ गरेको भिडियो निकै भाईरल भएको छ ।

मुम्बईस्थित आफ्नै घर बाहिर विराटले अनुष्कालाई बलिङ गर्न लगाएर आफुले ब्याटिङ गरेका थिए ।

त्यसअघि सुरुवातमा विराट बलर बन्दै अनुष्काविरुद्ध बलिङ गरेका थिए ।