थ्रीस्टार र सुदुरपश्चिमलाई एक एक अंक

काठमाडौं । ललित स्मृति यू - १८ फुटबल च्याम्पियनसिप फुटबल अन्तर्गत दोस्रो खेलमा  रुस्लान थ्रीस्टार क्लब र सुदुरपश्चिम फुटबल क्लबले बराबरी खेल्दै अंक बाडेका छन् । 

सातदोबाटोस्थित एन्फा टेक्निकल सेन्टरमा भएको खेलमा दुवै टोलीले गोलरहित बराबरी खेलेको हो । खेलमा दुवै टोलीले गोलको अवसर पाएपनि गोल गर्न सकेनन् ।

पहिलो खेलमा थ्रीस्टार मनाङलाई हराएको थियो । पहिलो खेलमा हार ब्यहोरेको सुदुरपश्चिमले भने यो खेलसंगै १ अंक जोडेको छ ।