राहुलको ब्याट साढे दुई लाखमा बिक्री

एजेन्सी । भारतीय क्रिकेटर लोकेश राहुलले सन् २०१९ को विश्वकपमा प्रयोग गरेको क्रिकेट ब्याट २ लाख ६४ हजार २ सय २८ भारतीय रुपैंयाँमा बिक्री भएको छ ।

राहुलले कोरोना भाईरसबाट प्रभावित बालबालिकाको सहयोगको लागि आफ्नो क्रिकेट ब्याट तथा अन्य क्रिकेट सामग्री लिलामी गरेका हुन् ।

राहुलले २८ औं जन्मोत्सवको अवसरमा विश्वकपको ब्याटसंगै थुप्रै क्रिकेट सामग्री लिलामी गरेका छन् ।

विश्वभर महामारीको रुपमा फैलिएको कोरोनाबाट प्रभावित बालबालिकाको लागि सहयोग जुटाउन राहुलले क्रिकेट सामाग्री लिलामी गरेका हुन् ।

ब्याटसंगै राहुलको आफ्नो हेल्मेटलाई १ लाख २२ हजार ६ सय ७७, प्याडलाई ३३ हजार २८, एकदिवसीय जर्सीलाई १ लाख १३ हजार २ सय ४०, टी ट्वान्टी जर्सीलाई १ लाख ४ हजार ८ सय २४, टेष्ट जर्सीलाई १ लाख ३२ हजार ७ सय ७४ र ग्लाब्सलाई २८ हजार ७ सय ८२ भारतीय रुपैयामा बिक्री गरेका छन् ।

राहुलको स्पोन्सर गुल्लीले समेत यसमा सहयोग रहेको छ । लिलामीमा प्राप्त भएको सबै रकम 'अवेर फाउन्डेसन' लाई हस्तान्तरण गरिनेछ ।

अवेर फाउन्डेसनले बालबालिकालाई सहयोग गर्दै आएको छ ।

यसअघी समेत राहुलले बन्यजन्तुको सहयोगको लागि अन्य संस्थालाई सहयोग गर्दै आएका थिए । गत वर्ष समेत राहुलले एक क्यान्सर पिडित बच्चालाई सहयोग गरेका थिए ।