शुबनम भारतीय क्रिकेटको भविष्य - रोहित

एजेन्सी । भारतीय क्रिकेट टिमका ओपनर रोहित शर्माले युवा खेलाडी शुबनम गिल भारतीय क्रिकेटको भविष्य भएको बताएका छन् ।

इन्ष्टाग्राम लाईभमा रोहितले युवा स्टार गिल उत्कृष्ट ब्याट्सम्यान भएको र उनले घरेलु क्रिकेटमा आफ्नो क्षमता देखाईसकेको बताए । रोहितले गिल भारतको टिममा रहनु पर्ने खेलाडी भएको समेत बताए ।

'शुबनम एक धाराप्रवाही ब्याट्सम्यान हुन् । मलाई लाग्छ ऊ भारतको भविष्य हो । मलाई लाग्छ उसले अवसर पाउने छन्,' शर्माले भने, 'यदि उसले रन बनाए भने आत्मबल प्राप्त हुन्छ । अब उनलाई थाहा छैन कि उ कहिले खेल्नेछ । उसले घरेलु क्रिकेटमा राम्रो गरिसक्यो । मलाई लाग्छ उसलाई टिममा राख्नु पर्छ ।'

२० वर्षे क्रिकेटर गिल ओपनर ब्याट्सम्यान हुन् । रोहितपछि भारतीय टिमको मुख्य ओपनर गिललाई हेरिएको छ ।

गिलले गत जनवरीमा न्युजिल्याण्डविरुद्धको खेलमा एकदिवसीय अन्तर्राष्ट्रियमा डेब्यु गरेका थिए । गिल कोलकता नाइट राइडर्सबाटआईपीएल खेल्ने गर्छन् ।