एसियन गेम्स : प्याराग्लाइडिङको टिम एक्युरेसीमा नेपाल आठौं

काठमाडौं । इन्डोनेसियामा जारी १८ औं एसियन गेम्स अन्तर्गत प्याराग्लाइडिङतर्फ नेपालले पुरुष टिम एक्युरेसीतर्फ आठौं स्थान स्थान हासिल गरेको छ ।

बुधबार सम्पन्न पुरुष टिम एक्युरेसीमा १५ सहभागी राष्ट्रमध्ये नेपालले आठौं स्थान ओगटेको हो । पुरुष टिम एक्युरेसीतर्फ इन्डोनेसियाले स्वर्ण जित्यो । यस्तै दक्षिण कोरियाले रजत जित्दा थाइल्याण्डले कास्य पदक जितेको छ ।

महिला टिम एक्युरेसीतर्फ नेपाल सातौं स्थानमा रह्यो । महिलातर्फ थाइल्याण्डले स्वर्ण जित्दा इन्डोनेसियाले रजत र दक्षिण कोरियाले कास्य प्राप्त गर्यो । महिला टिम एक्कुरेसीमा ९ टोलीले प्रतिस्पर्धा गरेका थिए ।

नेपालले अब प्याराग्लाइडिङको क्रस कन्ट्री इभेन्ट र व्यक्तिगत एक्युरेसीमा प्रतिस्पर्धा गर्न बाँकी छ ।