एजेन्सी । ईन्टर मिलानका पूर्व फरवार्ड क्रिस्टियन विएरीले पोर्चुगलका स्टार क्रिस्टियानो रोनाल्डो भन्दा ब्राजिली रोनाल्डो राम्रो खेलाडी भएको दाबी गरेका छन् ।
ईटालियन फुटलबका लिजेण्ड विएरीले युभेन्ट्सका गोल मेसिन रोनाल्डो भन्दा ब्राजिलियन रोनाल्डो उत्कृष्ट रहेको बताएका हुन् ।
९० को दशक र २१ को शताब्दीको सुरुवातमा ब्राजिली रोनाल्डोले दुई पटक विश्वकपको उपाधि उचालेका थिए । उनले पीएसभी, बार्सिलोना, ईन्टर मिलान र रियल मड्रिडबाट आफुलाई व्यवसायीक फुटबलमा समेत प्रमाणित गरेका थिए ।
यता, पाँच पटकका फिफा वालेन डी ओर विजेता पोचूगिज रोनाल्डोले म्यान्चेष्टर युनाईटेड, रियल मड्रिड र युभेन्ट्सबाट आफुलाई आधुनिक फुटबलका ठुलो खेलाडीको रुपमा सिद्ध गरिसकेका छन् ।
दुवै खेलाडी दुई फरक युगमा महान खेलाडीको रुपमा रहेका छन् ।
तर ईटालियन पूर्व फरवार्ड विएरी ब्राजिली रोनाल्डोलाई क्रिस्टियानोभन्दा माथि राख्छन् । उनले ईन्टर मिलानबाट ब्राजिली रोनाल्डोसंग खेलेका थिए ।
'उनी मेरा साथी हुन् । म भाग्यशाली थिए कि म उनको साथमा फरवार्डको रुपमा थिए । उनीसंग सबै चिज थियो । उनी विस्फोटक, शक्तिबाली र तेज थिए । उनी एक नृत्यकार जस्ता लाग्थे । उनी बल साथमा लिएर नृत्य गरिरहेको जस्तो देखिन्थे ।' ब्राजिली रोनाल्डोको प्रशंसा गर्दै उनले भने ।
'म भन्न चाहन्छु ब्राजिली रोनाल्डो क्रिस्टियानो रोनाल्डो भन्दा उत्कृष्ट हुन् ।' उनले थपे ।
'क्रिस्टियानो एक युद्धका मेसिन हुन् । उनी हरेक काम र सबै चिजका लागि प्रशंसनीय छन् । जुन उनले गर्दै आएका छन् । उनी आफ्नो ओठमा सिग्रेट राखेर अझै ४० बर्ष खेल्न सक्छन् । जसरी उनी ईटालीमा खेलिरहेका छन् । उनीसंग एक मूर्ति जस्तो शरिर छ ।' रोनाल्डोको बिषयमा विएरी भन्छन् ।
विएरीले आफ्नो करियरको सर्वश्रेष्ठ समयमा ईन्टर मिलानमा बिताएका थिए । उनले २ सय २ गोल ईन्टरको खातामा लेखाएका थिए । उनलाई गोल मेसिनको रुपमा समेत चिनिन्छ । उनले विभिन्न १४ क्लबबाट व्यवसायीक फुटबल खेलेका थिए ।
उनले १८ बर्षको फुटबल करियरको दौरान १ हजार भन्दा बढी गोल गरेका छन् । विएरी विश्वकपमा ईटालीका तर्फबाट सर्वाधिक गोलकर्ता समेत रहेका छन् ।
'युभेन्ट्समा मार्सेलो लिप्पी थिए । उनी मेरा दोस्रो पिता जस्ता थिए ।' ईटालीका लागि ४९ क्याप जितेका उनले आफ्नो खेल जिवनमा प्रशिक्षकको तारिफ गर्दै भनेका छन्, 'टुरीनको युवा टिममा मलाई महान (रोसारियो) रामपन्तीद्धारा, र (एमिलियानो) मोन्डोद्धारा प्रशिक्षित गरिएको थियो ।'
-1751975074.jpeg)
