एजेन्सी । क्रिकेटको खेलको विकाससँगै ब्रोडकाष्टिङ अर्थात खेलको प्रत्यक्ष प्रसारण समेत बढेको छ ।
क्रिकेट खेल बल र ब्याट हो । तर, यसलाई थप मनोरन्जन दिन विभिन्न उपाय अपनाईदै आईरहेका छन् ।
पछिल्लो समय ब्रोडकाष्टिङसँगै एंकरको महत्व समेत बढेको छ ।
एक दशक अघि क्रिकेट एंकर पुरुष मात्र हुने गर्थे । तर, पछिल्लो वर्ष क्रिकेटमा महिला एंकरको आगमन बढ्दो छ । महिला एंकरले विश्वकप जस्ता ठुला प्रतियोगिता समेत संचालन गरिसकेका छन् ।
महिला एंकरको सुन्दरतासँगै स्टाइलिस बोलीले दर्शकको ध्यान खिच्न ठुलो भूमिका खेलेको छ । क्रिकेटमा अहिले एंकर गरिरहेका महिला क्रिकेट एंकरले आफ्नो छुट्टै छाप छाड्न सफल छन् ।
विश्व क्रिकेटमा चर्चित ५ महिला क्रिकेट एंकरको चर्चा तल गरिएको छ ।
१. मयन्ती लेङ्गर
मयन्ती लेङ्गर लामो समयबाट भारतीय क्रिकेटको ब्रोडकाष्टिङ देखिदै आएको अनुहार हो । ३५ वर्षका महिला एङ्कर मयन्ती सन् २००६ बाट यो पेशामा लागेकी थिइन् । उनी प्राय स्टार स्पोर्ट्ससँग देखिने गर्छिन् ।
सन् २०१० मा उनले प्रतिष्ठित कमनवेल्थ गेम्समा होस्ट गरेकी थिइन् । यस्तै मयन्तीले आईपीएलमा खेल अघि र पछि क्रिकेट विश्लेषकसँग क्रिकेट र खेलको चर्चा गर्ने गरेकी छिन् ।
सन् २०१२ मा उनले दिल्लीका स्टार क्रिकेट स्रटुवार्ड बिन्नीसँग विवाह गरेकी थिइन् ।
२. जन्नातुल पिया फेर्डुस
जन्नातुल पियाले सन् २००७ मा मिस बंगालदेश उपाधि जितेकी थिइन् । त्यस यता उनले जीवनमा पछि फर्केर हेर्नु परेको छैन् । २८ वर्षे यी महिला एसियाबाट भारतको 'भोग्यु कभर गर्ल'बन्ने पहिलो महिला हुन् ।
सन् २०१७ मा पियाले बंगालदेश प्रिमियर लिगको केही खेलमा होस्ट गरेकी थिइन् । सन् २०१८ मा उनी जी टिभिसँग बीपीएलमा काम गरेकी थिइन् । केही सफल एभेटमा होस्ट बनेकी पियालाई सन् २०१९ को पुरुष विश्वकपमा प्रिजेन्टेटरको भूमिकामा निमन्त्रणा गरिएको थियो ।
पिया आईसीसीको ठुलो इभेन्टमा भाग लिने पहिलो बंगलादेशी हुन् ।
३. जिनाब अब्बास
जिनाब अब्बास पाकिस्तानको चर्चित ब्रोडकाष्टिङ नाम हो । सन् २०१५ सम्म एक मेकअप आर्टिस्टको रुपमा काम गरेकी उनले क्रिकेट वर्ल्ड कपको लागि अडिसन दिएकी थिइन् ।
त्यस यता उनले क्रिकेट करियरमा पाइला चालिन् । उनले क्रिकेट सम्बन्धित थुप्रै कार्यक्रम चलाएकी छिन् । सन् २०१७ देखी उनले पाकिस्तान सुपर लिगमा काम गर्दै आएकी छिन् ।
सन् २०१९ मा अब्बास आईसीसी विश्वकपमा प्रिजेन्टेटरको काम गरेकी थिईन । आईसीसीको ठुलो प्रतियोगितामा काम गर्ने उनी पहिलो पाकिस्तानी महिला एंकर बनिन् ।
४. एरिन होल्याण्ड
एरिन होल्याण्डले थुप्रै क्रिकेट प्रतियोगितामा एङ्करिङ गर्दै आएकी छिन् । जानीबसंगै एरिनले समेत पीएसलमा सहभागी भएकी थिएन् ।
अष्ट्रेलियाको बिग बास लिगमा समेत उनले काम गरेकी छिन् । बिग बासमा खेलाडीको अन्तर्वार्ता लिने गर्थिन् । क्यानाडाको ग्लोबल टी-ट्वान्टी लिगमा समेत काम गरेको अनुभब छ ।
एरिन होल्याण्ड स्टार अलराउण्डर बेन कटिङको हुनेवाला श्रीमती समेत हुन् । बेन र उनको भेट बिग बासमा भएको थियो । त्यस यता उनीहरु प्रेम सम्बन्धमा रहेका थिए ।
यस्तै उनी सन् २०१३ को मिस अष्ट्रेलिया समेत हुन् ।
५. इसा गुहा
महिला क्रिकेट एंकरमा पूर्व खेलाडीको सूचीमा इशा एक्लो नाम हो । सन् २००१ देखी २०११ सम्म उनले इंग्ल्याण्डबाट क्रिकेट खेल्दै आएकी थिइन् ।
सन् २०१२ मा उनले खेलबाट सन्यास लिएकी थिइन् । हाल उनी क्रिकेट कमेन्ट्रीमा चर्चित कमेन्टेटर हुन् । उनले सन् २०१९को एसेस सिरिजमा कमेन्ट्री गरेकी थिइन् ।
इसा बीबीसीको टेष्ट म्याच स्पेसल कमेन्टेटर समेत हुन् । यस्तै उनले बीबीसीमा क्रिकेट सम्बन्धित लेख समेत लेख्ने गरेकी छिन् ।
इसा सन् २०१९ को पुरुष विश्वकपको कमेन्ट्री समेत गरेकी थिइन् ।
