एसियन गेम्स : भारोत्तोलनमा सन्जुको राष्ट्रिय किर्तीमान

काठमाडौं । इन्डोनेसिया जारी १८ औं संस्करणको एसियन गेम्स अन्तर्गत भारोत्तोलनतर्फ नेपालकी सन्जु चौधरीले मंगलबार राष्ट्रिय किर्तीमान बनाएकी छिन् । 

महिला ५३ केजी तौलसमूहमा सन्जुले तीन राष्ट्रिय किर्तीमान बनाएकी हुन् ।  सन्जुले स्न्याचमा ७२ र क्लिन एण्ड जर्कमा ८६ केजी गरी कुल १५८ केजी तौल बहन गर्दै तीन राष्ट्रिय किर्तीमान बनाएकी हुन् । 

सन्जुले आफ्नै नाममा रहेको राष्ट्रिय किर्तिमान भङ्ग गरेकी हुन् । सन्जुले नेपालगंजमा भएको एसियन गेम्सको छनोटमा स्नयाचमा ७१ र क्लिन एण्ड जर्कमा ८५ केजी गरी कुल १५६ केजी भार बहन गर्दै कीर्तिमान बनाएकी थिइन् ।

राष्ट्रिय कीर्तिमान बनाएपनि सन्जु १२ खेलाडी रहेको यो तौल समूहमा पुछारमा रहिन् । यो स्पर्धामा फिलिपिन्सकी खेलाडीले स्वर्ण जित्दा तुर्किमिनिस्तानले रजत र थाइल्याण्डकी खेलाडीले कास्य जितिन् ।