एजेन्सी । इण्डियन प्रिमियर लिग (आईपीएल) टी-ट्वान्टी क्रिकेट अनिश्चित कालका लागि स्थगित हुने भएको छ ।
कोरोना भाईरसको कारण भारतले लकडाउनको अवधि बढाउने तयारी गरेसँगै भारतीय क्रिकेट बोर्ड (बीसीसीआई) ले आईपीएल अनिश्चित कालका लागि स्थगित गर्ने तयारी गरेको हो ।
यस संस्करणको आईपीएल बुधबारबाट सुरु हुने तालिका रहेको छ । तर, भारतको केहि प्रान्तमा लकडाउन बढीसकेको र सरकारले सबै प्रान्तमा बढाउने तयारी गरेपछि आईपीएल स्थगित हुने भएको हो ।
बीसीसीआई सरकारको निर्णय पर्खेर बसेको बताईएको छ । सरकारले लकडाउन थप गरेमा बीसीसीआईले आईपीएल अनिश्चित समयका लागि स्थगित गर्नेछ ।
कोरोनाको संक्रमण दैनिक बढेपछि भारतले लकडाउनको अवधि थप गर्ने तयारी गरेको हो । भारतमा ८ हजार बढीमा कोरोनाको संक्रमण देखिएको छ ।
