काठमाडौं । सन् २००८ को यू–१९ आईसीसी विश्वकपमा नेपाल समूह चरण पार गर्न त सकेन तर नेपाल विश्वकपको प्लेट च्याम्पियनसिपको फाइनल खेल्न सफल भयो ।
फाइनलमा वेष्ट इण्डिजसँग ७ विकेट पराजित भएको नेपाल लगातार दोस्रो पटक उपाधि जित्न असफल भएको थियो ।
त्यसअघि सन् २००६ को आईसीसी यू–१९ विश्वकपमा टेष्ट राष्ट्र दक्षिण अफ्रिकालाई सेमिफाइनल र न्युजिल्याण्डलाई फाइनलमा पराजित गर्दै प्लेट च्याम्पियन बनेको थियो ।
नेपाल सन् २००२ को प्लेट च्याम्पियनसिपको उपविजेता समेत हो ।
एसोसियट राष्ट्रमा नेपाल प्लेट च्याम्पियनसिप जित्ने एक्लो राष्ट्र हो ।
तर, मलेसियामा भएको प्लेट च्याम्पियनसिपमा नेपालले राम्रो प्रदर्शन गर्न सकेन ।
टेष्ट राष्ट्र जिम्बाबे सहित ३ खेलमा मात्र जित हात पार्न सक्यो । फाइनलमा वेष्ट इण्डिजसँग खराब ब्याटिङ गर्दा उपाधिबाट चुक्न पुग्यो ।
मलेसियामा भएको सो विश्वकप भारतले जित्यो ।
विराट कोहली कप्तानीमा रहेको भारतीय टिमले दोस्रो पटक उपाधि जित्दा रविन्द्र जडेजा, सिद्वार्थ कौल, मानिस पाण्डे जस्ता खेलाडी सामेल थिए ।
प्रतियोगिताको समूह 'सी’ मा नेपाल रहेको थियो । नेपालको समूहमा नामिबियासंगै टेष्ट राष्ट्र श्रीलंका र अष्ट्रेलिया थिए ।
प्रतियोगितामा नेपालको पाँचौ सहभागिता थियो ।
समूह चरणको पहिलो खेलमा श्रीलंकासंग ६१ रनले पराजित हुँदै नेपालले प्रतियोगिताको सुरुवात गरेको थियो । टेष्ट राष्ट्रविरुद्ध नेपालका युवा खेलाडीले राम्रो प्रर्दशन गरेका थिए ।
श्रीलंकाको टिममा दिनेश चन्डिमल, एन्जोलो म्याथ्युज, कुशल परेरा, थिसरा परेरा, लहिरु थिरिमाने जस्ता खेलाडी थिए । जो खेलाडी केही समय लगत्तै सिनियर राष्ट्रिय टिमको मुख्य खेलाडी बने ।
नेपालको दोस्रो खेल उपाधि दाबेदार अष्ट्रेलियासँग खेलेको थियो । टिममा हाल विश्वका नम्बर एक खेलाडी स्टिभ स्मिथ समेत रहेका थिए । अष्ट्रेलियाको टिममा फिलिप ह्युज, जेम्स फल्करनर, जेम्स प्याटिन्सन, जोस हेजलवुड जस्ता उत्कृष्ट खेलाडी रहेका थिए ।
खेलमा नेपालले टस जितेर पहिले फिल्डिङ गर्ने निर्णय गर्यो । अष्ट्रेलिया ३ बल बाँकी छदा २ सय ६ रनमा अल आउट भयो ।
उसका फिलिप ह्युजले सर्वाधिक ४६ रन, किर्क पास्कोले ३७, मिचेल कन्र्मेरले ३२, स्टिभले १७ र फल्कनरले २२ रन जोडेका थिए ।
फिलिपलाई नेपालका राहुल विश्वकर्मा, स्मिथलाई राज श्रेष्ठले आउट गर्दा फल्कनर, हेजलवुड र प्याटिन्सनलाई पारस खड्काले आउट गरेका थिए ।
नेपालतर्फ कप्तान पारसले ४, राज श्रेष्ठले ३ तथा राहुलले २ विकेट हात पारेका थिए ।
जवाफी ब्याटिङ गरेको नेपाल १ सय १० रनमा अल आउट भयो ।
राहुलले ३३ रन बनाउँदा ज्ञानेन्द्र मल्लले १७ र रोम श्रेष्ठ ले ११ रन बनाउँदा अन्य खेलाडीले दोहोरो अंकको स्कोर छुन सकेनन् ।
स्मिथले आकाश गुप्ता, राज र अमृत भट्टराईलाई आउट गरेका थिए । यस्तै पारस, ज्ञानेन्द्र र अनिल कुमार मण्डल भने प्याटिन्सनको बलमा आउट भएका थिए ।
विश्वका उत्कृष्ट मध्यका करिब सबै खेलाडीसंग नेपाली खेलाडीले उमेर समूहमा प्रतिस्पर्धा गरेका छन् । यो त एक खेलको झलक मात्र हो ।
सन् २००६ को आईसीसी यु १९ विश्वकपको प्लेट फाइनल जित्दा नेपालले टेष्ट राष्ट्र न्युजिल्यान्डलाई पराजित गर्यो । जुन टिममा मार्टिन गप्टिल सामेल थिए । उनै गप्टिलले केहि समयमा सिनियर टिमबाट खेल्दै विश्वका अब्बल खेलाडी बने ।
यो पनि : एक रनले विश्वकप पुग्न चुकेको नेपाल !
नेपालसँग उमेर समूहमा खेलेका खेलाडी विश्व क्रिकेटमा आफुलाई स्थापित गर्दै गर्दा नेपाली खेलाडीको भविष्य भने अन्यौलमा छ ।
उमेर समूहमा उत्कृष्ट प्रदर्शन गरेका कतिपय नेपाल खेलाडी अहिले पलायन छन्, क्रिकेटबाट टाढा छन् ।
उमेर समूहमा नेपालले यू–१९ विश्वकपमा सात पटक प्रतिस्पर्धा गरिसकेको छ । सन् २००० मा नेपालले पहिलो पटक यु–१९ विश्वकप खेलेको थियो । जसमा नेपालले आठौं स्थान प्राप्त गर्दै ईतिहास रचेको थियो ।
तर, सात पटक विश्वकप खेलेपनि नेपाल आठौं स्थान भन्दा माथि उक्लिन सकेको छैन । पहिलो सहभागिता र सन् २०१६ मा नेपाललाई आठौं स्थान हात पारेको थियो ।
नेपालले यू–१९ विश्वकपमा सधै उत्कृष्ट प्रदर्शन गर्दै आएको छ ।
नेपालले विभिन्न टेष्ट राष्ट्रलाई समेत पाखा लगाएको ईतिहास छ । नेपालले विश्वकपमा जिम्बाबे, बंगलादेश, आयरल्याण्ड, न्युजिल्याण्ड र दक्षिण अफ्रिका जस्ता राष्ट्रलाई पराजित गरिसकेको छ ।
नेपालले यू–१९ विश्वकपमा पराजित गरेको राष्ट्रका खेलाडीले विश्व क्रिकेटमा ठुलो नाम कमाएका छन् तर । तर नेपाली खेलाडी भने अस्तव्यस्त घरेलु क्रिकेट संरचनाको सिकार बन्दै आएका छन् ।
पछिल्लो दुई संस्करणको यू–१९ विश्वकपमा नेपाल छनोट हुन समेत असफल छ ।
नेपालले लगातार दुई विश्वकप खेल्ने अवसर गुमाएको यो नै पहिलो हो ।
भद्रगोल क्रिकेट संरचना तथा खेलाडीलाई एक्सपोजर दिन नसक्दा नेपाली खेलाडीको प्रर्दशनमा खस्कदै गएको छ ।
नेपालविरुद्व खेलेका विश्वका स्टार ५ खेलाडी
-1746755007.webp)
