एजबेस्टन स्टेडियममा कोरोनाको परीक्षण केन्द्र निर्माण 

एजेन्सी । इंग्ल्यान्डको एजबेस्टन क्रिकेट स्टेडियमलाई कोरोना भाईरस (कोभिड-१९) को परीक्षण केन्द्रको रुपमा प्रयोग गर्न थालिएको छ ।

काउन्टी क्रिकेट क्लब वारविक्शायरले कोरोनाको महामारीविरुद्ध लड्न प्रयोग गर्न अनुमति दिएसँगै एजबेस्टन स्टेडियमलाई परीक्षण केन्द्र बनाईएको हो ।

एजबेस्टन स्टेडियमलाई अहिले कोरोनाविरुद्ध लडिरहेका नेसनल हेल्थ सर्भिस (एनएचएस) ले प्रयोग गरिरहेको छ ।

एनएचएसले स्टेडियमलाई परीक्षण केन्द्रसँगै औषधि भण्डारण, डाक्टर तथा नर्सहरुको प्रशिक्षण स्थलको रुपमा प्रयोग गर्ने छन् ।

यस्तै क्लबले एनएचएसका कर्मचारीलाई भिटालिटि ब्लास्ट प्रतियोगितामा निशुल्क प्रवेशको व्यवस्था गर्ने तयारी समेत गरेको छ ।

कोरोनाको कारण इंग्ल्यान्डमा क्रिकेट गतिविधि मे २८ सम्म स्थगित गरिएको छ ।