ब्राईटोनका एक खेलाडीमा कोरोनाको संक्रमण

एजेन्सी । प्रिमियर लिग क्लब ब्राईटोनका एक खेलाडीमा कोरोनाको संक्रमण देखिएको छ । क्लबका कार्यकारी अधिकृत पाउल बारबरले एक खेलाडीमा कोरोनाको पुष्टि गर्दै उनी ठिक अवस्थामा रहेको बताएका छन् ।

तीन जना खेलाडीमा कोरोनाको लक्षण देखिएपछि परिक्षणका लागि पठाईएको थियो । तर एक जना मात्र संक्रमित भएको पुष्टि भयो ।

उनले संक्रमित खेलाडीको नाम दिन अस्विकार गरे । तर आवश्यक पर्ने सम्पूर्ण सेवा र हेरचाह उपलब्ध गराईएको जानकारी दिए ।

कोरोनाकै महामारीका कारण क्लबको पूर्णकालिन अभ्यास बन्द छ । खेलाडीहरु घरमै बसेर फिटनेसको अभ्यास गरिरहेका छन् ।

ब्राईटोन प्रिमियर लिगको १५ औ स्थानमा छ । क्लब रेलिगेशन जोन भन्दा दुई अंकले मात्र माथि छ ।

क्लबले सबै खेलाडीलाई बेलायतमै राखेको छ । प्रशिक्षक ग्राहम पोटरले कोरोनाको प्रभावका कारण खेलाडीलाई भौतिक रुपमा भन्दा मानसिक रुपमा बलियो बनाउन आवश्यक रहेको बताएका छन् ।