एजेन्सी । सन् १९८४ मा फ्रान्सलाई युरो कप जिताएका प्रशिक्षक मिसेल हिडाल्गोको निधन भएको छ ।
फ्रान्सेली फुटबललाई पहिलो पटक मुख्य प्रतियोगिता जिताएका हिडाल्गोको ८७ बर्षको उमेरमा निधन भएको हो ।
उनी लामो समयदेखि बिरामी थिए । उनका परिवारले फ्रान्सेली रेडियोलाई जानकारी दिदै हिडाल्गोको मृत्यु स्वभाविक रहेको प्रतिकृया दिएका छन् ।
उनले फ्रान्सलाई सन् १९७६ देखि १९८४ सम्म प्रशिक्षण दिएका थिए । आयोजक फ्रान्सले स्पेनलाई २–० ले पराजित गर्दै युरोपियन च्याम्पियन बनेपछि उनले प्रशिक्षक पद छाडेका थिए ।
दुई बर्ष अघि मात्र फ्रान्स विश्वकपको सेमिफाईनलमा पश्चिम जर्मनीसंग पराजित भएको थियो ।
मिचेल प्याटिनी फ्रान्सले पहिलो पटक युरो कप जित्दाका टिमका कप्तान थिए । उनले प्रतियोगितामा ९ गोल गरेका थिए ।
'मिसेल हिडाल्गोले उल्लेख्नीय विरासत छोडेका छन् । उनले अन्तराष्ट्रिय स्तरमा फ्रान्सेली फुटबलको पुर्ननिर्माण गरे ।' प्लाटिनीले भनेका छन् ।
'प्रशिक्षकको रुपमा मिसेलले फ्रान्सको टिमलाई आफ्नो सबैभन्दा उचाईमा लिएर गए । जसमा हाम्रो व्यक्तिगत प्रतिभालाई पुरा सदुपयोग गर्ने अनुमती दिए ।' उनले थपे ।
