बर्नलीले कर्मचारीको तलब नरोक्ने 

एजेन्सी । इंग्लिस क्लब बर्नलीले कोरोना भाईरसको कारण सम्पूर्ण फुटबल गतिविधि बन्द भएपनि आफ्ना कर्मचारीलाई तलब दिने भएको छ ।

इंग्ल्यान्डका आगामी अप्रिल अन्तिम सातासम्म फुटबल गतिविधि बन्द भएपनि म्याच डे र म्याच डे बाहेकका सम्पूर्ण कर्मचारीलाई तलब दिने बर्नलीले जनाएको छ ।

विश्वभर महामारीको रुपमा फैलिएको कोरोनाको कारण प्रिमियर लिग अप्रिल ३० सम्मको लागि स्थगित गरिएको छ । लिग स्थगित भएपनि बर्नलीले आफ्ना कर्मचारीलाई तलब उपलब्ध गराउने भएको हो ।

यस सिजन लिगमा बर्नली १० औं स्थानमा रहेको छ । बर्नलीले ९ खेल खेल्न बाँकी रहेको छ ।

यस अघि म्यानचेस्टर युनाइटेडले पनि आफ्ना म्याच डेका कर्माचारीलाई तलब उपलब्ध गराउने निर्णय गरेको थियो ।