न्युजिल्याण्डका क्रिकेटर एन्ड्रयुद्वारा सन्यास

एजेन्सी । न्युजिल्याण्डका क्रिकेटर एन्ड्रयु एलिसले क्रिकेट खेल जीवनबाट सन्यास घोषणा गरेका छन् ।

न्युजिल्याण्ड क्रिकेट टिमका पूर्व सदस्य समेत रहेका एन्ड्रयुले १८ वर्षे क्रिकेट करियरमा पूर्णविराम लगाएका हुन् ।

क्यान्टरबरीका बलिङ अलराउन्डर एन्ड्रयुले न्युजिल्याण्डबाट १५ एकदिवसीय र ५ टी-ट्वान्टी क्रिकेट खेलेका थिए ।

घरेलु क्रिकेटमा चर्चित एन्ड्रयुले सन् २०१२ देखि १३ सम्म न्युजिल्याण्डको राष्ट्रिय टोलीबाट खेलेका थिए ।

३७ वर्षे एन्ड्रयुले क्रिकेट करियरमा १०६ फस्ट क्लास, १३३ लिस्ट ए र १२७ टी-ट्वान्टी खेलेका छन् ।