बंगलादेश र पाकिस्तानबीचको एकदिवसीय र टेष्ट स्थगित

एजेन्सी । घरेलु टिम पाकिस्तान र बंगलादेशबीचको एकदिवसीय र टेष्ट सिरिज स्थगित भएको छ ।

विश्व भर महामारीको रुपमा फैलिएको कोरोना भाईरसको कारण आगामी महिना तय भएको खेल स्थगित भएको हो ।

दुई टोलीबीच कराँचीमा दोस्रो टेष्ट र एक एकदिवसीय सिरिज खेल्ने तालिका रहेको थियो । तर, कोरोनालाई मध्येनजर गर्दै दुवै देशका क्रिकेट बोर्ड सिरिज स्थगित गर्न सहमत भएका छन् ।

दुई टिमबीच अप्रिल ३ मा एकदिवसीय र ५ अप्रिल देखि ९ सम्म दोस्रो टेष्ट खेल्ने तालिका रहेको थियो ।