जोसिपको चार गोल, एटालान्टा क्वार्टरफाईनलमा

एजेन्सी । जोसिप इलिसिचको चार गोलको सहयोगमा एटालान्टाले च्याम्पियन्स लिगको अन्तिम १६ को दोस्रो लेगको खेलमा भ्यालेन्सियालाई ४–३ ले हराएको छ ।

बन्द रंगशालामा खेलाईएको खेलमा ईटालियन क्लबले स्पेनिस क्लब भ्यालेन्सियामाथि समग्रमा शानदार जित निकालेको हो ।

पहिलो लेगको खेलमा ४–१ को जित निकालेको एटालान्टा समग्रमा ८–४ को नतिजा सहित क्वार्टरफाईनलमा प्रवेश गरेको छ ।

खेलको तेस्रो मिनेटमा पेनाल्टीमा गोल गर्दै पाहुना टोलीलाई अग्रता दिलाएका इलिसिचले ४३ औं मिनेटमै दोस्रो र ७१ औं मिनेटमा ह्याट्रिक पुरा गरेका थिए ।

उनले ८२ औं मिनेटमा व्यक्तिगत चौथो गोल गरेका थिए । पछिल्ला सात खेलमा इलिसिचले २८ गोल गर्न सफल भएका छन् ।

भ्यालेन्सियाका लागि गामिरोले दुई तथा टोरेसले एक गोल गरे ।

ईटालियन क्लब पहिलो पटक च्याम्पियन्स लिगको अन्तिम ८ मा प्रवेश गरेको हो ।

कोरोना भाईरसका कारण स्पेनको बन्द रंगशालमा च्याम्पियन्स लिगको खेल सञ्चालन गरिएको थियो ।