बार्सिलोना र नापोलीबीचको खेल बन्द रंगशालामा

एजेन्सी । च्याम्पियन्स लिग फुटबलको अन्तिम १६ अन्तर्गत बार्सिलोना र नापोलीबीचको दोस्रो लेग खेल बन्द रंगशालामा खेलिने भएको छ ।

विश्वमा महामरीको रुपमा फैलिएको कोरोना भाईरसको कारण बार्सिलोना र नापोलीबीचको खेल दर्शकबिना खेलिने भएको हो ।

बार्सिलोनाको घरेलु मैदानमा दुई टोलीबीचको खेल मार्च १८ मा हुनेछ । दुई टोलीबीचको पहिलो लेग १-१ गोलको बराबरीमा सकिएको छ ।

च्याम्पियन्स लिग अन्तर्गत नै फ्रेन्च क्लब पेरिस सेन्ट जर्मेन (पीएसजी ) र जर्मन क्लब बोरुसिया डर्टमण्डबीचको खेल बन्द रंगशालामा हुनेछ ।

त्यस्तै भ्यालेन्सिया र एट्लान्टाको खेल समेत दर्शकबिना खेलिने छ ।