श्रीलंकाको टिममा कुशल परेराको पुनरागमन

एजेन्सी । श्रीलंकाले इंग्ल्यान्डविरुद्धको टेष्ट सिरिजका लागि राष्ट्रिय टिमको घोषणा गरेको छ ।

श्रीलंकाले दिमुथ करुणारत्नेको कप्तानीमा १५ सदस्यीय टिमको घोषणा गरेको हो ।

श्रीलंकाले घोषणा गरेको टिममा कुशल परेराले पुनरागमन गरेका छन् । हातको चोटका कारण कुशल टिम बाहिर रहदै आएका थिए ।

इंग्ल्यान्डसँग घरेलु टोलीले दुई खेलको टेष्ट सिरिज खेल्नेछ । पहिलो टेष्ट १९ मार्च र दोस्रो टेष्ट २७ मार्चमा सुरु हुनेछ ।