कप्तानीबाट फाफ डु प्लेसिसको राजिनामा

काठमाडौं । दक्षिण अफ्रिकाका कप्तान फाफ डु प्लेसिसले टेष्ट र टी-ट्वान्टी क्रिकेटको कप्तानीबाट राजिनामा दिएका छन् ।

प्लेसिसले सोमबार दक्षिण अफ्रिका क्रिकेटलाई कप्तानी पदको राजिनामा बुझाएका छन् ।

३५ वर्षे  प्लेसिसले राजिनामा दिँदै आउने कप्तानलाई आफुले पूर्ण रुपमा सहयोग गर्ने बताएका छन् ।

इंग्ल्यान्डविरुद्धको टी-ट्वान्टी सिरिज गुमाएलगत्तै प्लेसिसले राजिनामा दिएका हुन् । आइतबार भएको अन्तिम टी-ट्वान्टीमा ५ विकेटको हार व्यहोर्दै दक्षिण अफ्रिकाले तीन खेलको सिरिज २-१ ले गुमाएको थियो ।

दक्षिण अफ्रिकाको एकदिवसीय कप्तान भने क्विनटन डी कक रहदै आएका छन् ।