सावित्राको पाँच गोल, गोकुलमको शानदार जित

काठमाडौं । सावित्रा भण्डारी चम्किएको खेलमा गोकुलम केरेलाले भारतको हिरो महिला लिग फुटबलमा प्रभावशाली जित निकालेको छ ।

मंगलबार दिउँसो भएको समूह बीको खेलमा सावित्राको पाँच गोलमा गोकुलमले केन्क्री फुटबल क्लबलाई १०–१ गोल अन्तरले पराजित गरेको हो ।

गोकुलमले पहिलो खेलमा श्रीभुमीलाई १–० गोल अन्तरले पराजित गरेको थियो । सो खेलमा सावित्राले निर्णायक गोल गरेकी थिईन् ।

लिगका दुई खेलमा सावित्राले ६ गोल गर्न सफल भएकी छिन् ।

गोकुलमको जितमा सावित्रासंगै मनिषा कल्याण, ग्रेसी लालरामपारी, करिष्मा शिर्विकरले गोल गरे ।

सूरुवातदेखिनै दबाब बनाएको गोकुलमले पहिलो हाफमै ७ गोल गरेको थियो ।

सावित्राले पाँच गोल गर्दा करिष्माले ह्याट्रिक गरिन् । मनिषा र ग्रेसीले एक एक गोल गरे । सौम्या गुलुलोटले एक सान्तव्ना गोल फर्काईन् ।

सावित्राको गोलमा गोकुलमले भारतीय महिला लिगमा कीर्तिमानी जित निकालेको हो ।