चेल्सीमै बस्ने विलियमको इच्छा

एजेन्सी । चेल्सीका मिडफिल्डर विलियमले लण्डन क्लबमै बस्ने इच्छा देखाएका छन् । २९ बर्षिया ब्राजिली विङ्गर पछिल्लो समय स्पेनिस क्लब बार्सिलोनासंग जोडिएका छन् । स्पेनिस महारथीले विलियमलाई भित्राउन चेल्सीसंग निरन्तर प्रस्ताव अघि सारेको छ ।

कम्युनिटी शिल्डमा म्यान्चेष्टर सिटीसंग पराजित भएपछि प्रतिक्रिया दिदै विलियमले आफु चेल्सीमा रहन चाहेको बताएका हुन् ।
'म सधै स्पष्ट पारेको छु । म क्लबमै रहन इच्छुक छु ।' उनले भनेका छन् ।

'एक मात्र क्लबको बिषयमा मलाई थाहा छ । औपचारिक रुपमा मलाई बार्सिलोनाले अनुबन्धनको प्रस्ताव गरेको छ ।' उनले भने ।
विलियमलाई प्रिमियर लिगकै अर्को क्लब म्यान्चेष्टर युनाईटेड र अर्को स्पेनिस महारथी रियल मड्रिडले समेत अनुबन्धनको इच्छा देखाएका छन् ।

क्लबले बेच्न नचाहेसम्म आफु चेल्सीमै रहने स्पष्ट पार्दै उनले लण्डन क्लबमै रहनेबारे मुख खोलेका हुन् ।

चेल्सीका नयाँ प्रशिक्षक माउरिजियो सर्रीले नयाँ सिजनकालागि दुई खेलाडीमात्र अनुबन्धन गरेका छन् । उनले नेपोलीका मिडफिल्डर जोर्डिन्हो र ब्याक अप गोलकिपर रोव ग्रिनलाई मात्र समर ट्रान्सफरमा अन्तर्गत क्लबमा भित्राएका छन् ।