पोखरा । बुटवल ब्लास्टर्सले दोस्रो संस्करणको पोखरा प्रिमियर लिग टी-ट्वान्टी क्रिकेट (पीपीएल) मा तेस्रो जित हात पारेको छ ।
पोखरामा आइतबार एक्स्पर्ट धनगढीलाई ७ विकेटले पराजित गर्दै बुटवलले तेस्रो जित निकालेको हो । जितसँगै बुटवल लिगको प्ले अफमा प्रवेश गरेको छ ।
पोखरा रंगशालामा धनगढीले दिएको १ सय ४१ रन लक्ष्य बुटवलले १६ ओभर ४ बलमा मात्र ३ विकेट गुमाएर पुरा गर्यो ।
बुटवलका लागि अफ्ताब उद्दीन अहमेदले ५२ रनको अर्धशतकीय इनिङ्स खेले ।
यस्तै हर्स टोन्कले ४० रन जोड्दा शंकर रानाले २५ रन बनाए । शिबम सिंह १५ रनमा अविजित रहे । धनगढीका लागि अनिल खरेलले २ र दिपक पुनियाले १ विकेट लिए ।
यस अघि टस हारेर पहिले ब्याटिङ गरेको धनगढीले २० ओभरमा ६ विकेट गुमाएर १ सय ४९ रन बनाएको थियो ।
धनगढीका लागि कप्तान दिपेन्द्र सिंह ऐरीले ६१ रनको अर्धशतकीय इनिङ्स खेले । यस्तै सन्दीप जोराले ३९ रन जोड्दा सौरभ खनालले १० रन बनाए ।
बुटवलका ललित भण्डारीले ३ विकेट लिए । अविनाश बोहराले २ विकेट झारे ।
जितसँगै प्ले अफमा पुगेको बुटवलले ४ खेलमा ६ अंक जोड्यो । र, बुटवल अंक तालिकाको दोस्रो स्थानमा समेत उक्लिएको छ ।
पराजित धनगढीले ४ खेलमा २ अंक जोडेको छ । धनगढीको प्ले अफ सम्भावना गणितीय मात्र बाँकी रहेको छ ।
-1751297393.jpeg)
