विराटनगरलाई १ सय ६० रनको लक्ष्य

पोखरा । पोखरा प्रिमियर लिग क्रिकेट (पीपीएल) मा काठमाडौं गोल्डेन वारियर्सले विराटनगर टाईटन्सलाई जितका लागि १ सय ६० रनको लक्ष्य दिएको छ ।

पोखरा रंगशालामा टस जितेर पहिले ब्याटिङ गरेको काठमाडौंले २० ओभरमा ५ विकेट गुमाएर १ सय ५९ रन बनायो ।

काठमाडौंका लागि जयक्रिशन कोल्शावालाले ५५ रनको अर्धशतकीय इनिङ्स खेले । कप्तान ज्ञानेन्द्र मल्लले ४५ रन जोड्दा अमित श्रेष्ठले १७ रन बनाए ।

यस्तै सुवोध भाटीले १४ तथा आदील खानले अविजित १३ रन बनाए ।

विराटनगरका लागि पुनित मेहेराले २ विकेट लिए ।

तीन खेलमा २ अंक जोडेको काठमाडौं लिगको तेस्रो स्थानमा रहेको छ । दुई खेलमा २ अंक जोडेको विराटनगर तेस्रो स्थानमा रहेको छ ।