भुटानद्वारा माल्दिभ्स पराजित

काठमाडौं । १३ औं दक्षिण एसियाली खेलकुद (साग) अन्तर्गत पुरुष फुटबलमा भुटानले माल्दिभ्सलाई पराजित गरेको छ ।

दशरथ रंगशालामा बिहिबार भएको खेलमा भुटानले माल्दिभ्सलाई २-१ गोल अन्तरले पराजित गरेको हो ।

भुटानको जितमा छिमी दोर्जे र फुर्ब थिन्लेले एक एक गोल गरे । माल्दिभ्सका होम्जा मोहमदले एक गोल फर्काए ।

जितसँगै भुटानले ३ खेलमा ६ अंक जोडेको छ । र, भुटान शीर्ष स्थानमा उक्लिएको छ ।