क्रुस चल्दा जर्मनी युरोकपमा छनोट

एजेन्सी । जर्मनी युरोकप फुटबलमा छनोट भएको छ ।

आईतबार राति भएको खेलमा बेलारुसलाई ४–० गोल अन्तरले हराउँदै जर्मनी अर्को बर्षका लागि युरोकपमा छनोट भएको हो ।

जर्मनीको जितमा दुई गोल टोनी क्रुसले गरे । अरु दुई गोल म्थायस गिन्टर र लियोन गोत्र्यकाले गरे ।

गिन्टरले ४१ औ मिनेटमा जर्मनीलाई सुरुवाती अग्रता दिलाए ।

गोत्र्यकाले ४९ औ मिनेटमा जर्मनीको अग्रता दोब्बर बनाएका थिए ।

५५ औ मिनेटमा क्रुसले जर्मनीलाई ३–० ले अगाडी बढाए ।

क्रुसले ८३ औ मिनेटमा व्यक्तिगत दोस्रो गोल गर्दै जर्मनीलाई ४–० को जित दिलाए ।

समूह सीबाट १८ अंक सहित शीर्ष स्थानको जर्मनी युरोकपमा छनोट भयो । बेलारुस ४ अंक सहित तालिकाको चौथो स्थानमा रह्यो । 

नेदरल्याण्डलाई हराउन नसकेको नर्दन आयरल्याण्ड छनोटबाट बाहिरियो । डच टिम १६ अंक सहित दोस्रो स्थानमा रहँदै युरोकपमा छनोट हुने तय गर्यो ।