इकबालले भारत भ्रमण गुमाउने

एजेन्सी । बंगलादेशका उपकप्तान तामिम इकबालले भारतविरुद्धको टी-ट्वान्टी सिरिज गुमाउने भएका छन् ।

बंगलादेशले भारत भ्रमणका लागि घोषणा गरेको टिममा इकबाल अटाएका छैन् । इकबालको श्रीमतीले दोस्रो बच्चालाई जन्म दिन लागेको कारण उनलाई टिममा नराखिएको बताईएको छ ।

बंगलादेशले भारतसँग उसैको मैदानमा आगामी नोभेम्बर ३ बाट तीन खेलको टी-ट्वान्टी सिरिज खेल्नेछ । यस्तै बंगलादेशले भारतसँग दुई खेलको टेष्ट सिरिज खेल्नेछ ।

बंगलादेशले इकबालको स्थानमा इम्रुल काएसलाई टिममा राखेको छ ।