अष्ट्रेलियाविरुद्ध विमल बाहिर, अभिषेक प्लेईङ सेटमा

काठमाडौं । विश्वकप छनोट अन्तर्गत अष्ट्रेलियाविरुद्व खेलका लागि नेपालको सुरुवाती-११ को घोषणा भएको छ ।

प्रशिक्षक योहान कालिनले अष्ट्रेलियाविरुद्ध मुख्य फरवार्डमा अभिषेक रिजाललाई मौका दिएका छन् ।

यसअघि चाईनिज ताइपेविरुद्ध विमल घर्ति मगरलाई सुरुवाती-११ मा राखिएको थियो । अष्ट्रेलियाविरुद्ध विमल बेन्चमा रहने छन् ।

अन्य खेलाडी भने ताइपेसँग मैदान उत्रदाकै खेलाडी रहेका छन् ।

मिडफिल्डमा विशाल राई, सुजल श्रेष्ठ, अन्जन विष्ट, रोहित चन्द र रवि पासवान रहेका छन् ।

यस्तै डिफेन्समा अनन्त तामाङ, देबेन्द्र तामाङ, दिनेश राजवंशी र रंजित धिमाल रहेका छन् ।

प्लेईङ सेटमा नियमित खेल्दै आएका बिक्रम लामालाई आराम दिईएको छ ।

गोलकिपर र कप्तानमा किरण चेन्जोङ छन् ।

नेपालको प्लेईङ -११ :

गोलकिपर : किरण चेम्जोङ

डिफेन्डर : अनन्त तामाङ, देबेन्द्र तामाङ, दिनेश राजवंशी , रञ्‍जित धिमाल

मिडफिल्डर : रोहित चन्द, अन्जन बिष्ट, सुजल श्रेष्ठ, विशाल राई, रबि पासवान

फरवार्ड : अभिषेक रिजाल