अध्यक्ष श्रेष्ठ उत्कृष्ट प्रशिक्षक अवार्डबाट सम्मानित हुने

काठमाडौं । नेपाल क्योकुसिन सेइसिन काइकान कराते संघका अध्यक्ष तथा नेपाल ब्रान्च चिफ अशोककुमार श्रेष्ठ बिहीबार स्विट्जरल्यान्ड प्रस्थान गरेका छन् ।

इन्टरनेसनल मार्सल आर्ट्स एसोसिएसन, स्विस हल अफ अनरले प्रदान गर्ने वर्षको उत्कृष्ट सिनियर प्रशिक्षक अवार्ड ग्रहण गर्न श्रेष्ठ स्विट्जरल्यान्ड प्रस्थान गरेका हुन् ।

अवार्ड सेप्टेम्बर २१ तारिखमा प्रदान गरिने छ । उनलाई राष्ट्रिय खेलकुद परिषद्का सदस्य–सचिव रमेशकुमार सिलवालले बिहीबारै एक कार्यक्रमबीच बिदाइ गरे ।