काठमाडौं । नेपाल उसु भोलन्टियर प्रशिक्षक कमिटिको पहलमा उसुको राष्ट्रिय निर्णायक तथा बलम्बु उसु क्वानका प्रशिक्षक स्व कृष्ण महर्जनको परिवारलाई आर्थिक सहयोग गरिएको छ ।
कमिटिले महर्जनको परिवारलाई १ लाख १ हजार ६ सय चालीस रुपैया आर्थिक सहयोग गरेको हो । उक्त आर्थिक रकम नेपाल उसु भोलन्टियर प्रशिक्षक कमिटिका सदस्यहरु,उसु प्रशिक्षक र राष्ट्रिय तथा अन्तर्राष्ट्रिय उसु खेलाडिहरुबाट प्राप्त भएको थियो ।
शनिबार एक कार्यक्रमका बीच नेपाल उसु महासंघका उपाध्यक्ष श्री राजिव महर्जन तथा नेपाल उसु भोलन्टियर प्रशिक्षक कमिटिका संयोजक श्री मन्जुर महर्जनले स्व महर्जनको छोरीलाई उक्त रकम हस्तान्तरण गरेका थिए ।
