ओलम्पिकमा पदक विजेता स्की खेलाडी मृत फेला

एजेन्सी । स्पेनको पूर्व अल्पाइन स्की खेलाडी ब्लान्का फर्नान्डेज ओचोआ मृत फेला परेकी छिन् ।

पूर्व ओलम्पियन समेत रहेकी फर्नान्डेज हराएको करिब दुई सातापछि मृत फेला परेकी हुन् । उनलाई प्रहरीले मड्रिडको पहाडी क्षेत्रमा मृत फेला पारेको हो ।

५६ वर्षीय फर्नान्डेज गत अगष्ट २३ बाट हराईरहेकी थिइन् । उनको मृत्युबारे प्रहरीले अनुसन्धान गरिरहेको जनाएको छ ।

फर्नान्डेजले सन् १९९२ मा फ्रान्समा भएको विन्टर ओलम्पिकमा कास्य जितेकी थिइन्  ।