नेयमारले गल्ती गरे – लियोनार्दो

एजेन्सी । फ्रान्सेली क्लब पेरिस सेन्ट जर्मेन (पीएसजी)का स्पोर्टिङ डिरेक्टर लियोनार्दोले ब्राजिली स्टार नेयमारले गल्ती गरेको बताएका छन् । उनले क्लब छाड्ने ईच्छा देखाएर नेयमारले गल्ती गरेको बताएका हुन् ।

२७ बर्षका फरवार्ड विश्व कीर्तिमानी मुल्य २ सय मिलियन पाउण्डमा गत सिजन पीएसजी आएका थिए । उनलाई पछिल्लो समय पुर्व क्लब बार्सिलोना र रियल मड्रिडले अनुबन्धनको ईच्छा देखाईरहेका छन् ।

नेयमारले गत जुलाईमा क्लब छाड्न चाहेको बताएका थिए ।

बार्सिलोनाका अधिकारीले नेयमारलाई क्लब फर्काउने बिषयमा पीएसजीसंग छलफल गरिरहेका छन् । तर फ्रान्सेली क्लबका डिरेक्टरले वार्तामा कुनै प्रगति हासिल नभएको बताएका छन् । करिब दुई हप्तापछि युरोपियन सुरुवा बजार बन्द हुदैछ । खेलाडी सरुवाका लागि सेप्टेम्बर २ सम्मको समय छ ।

नेयमार लिग वानको पहिलो खेलमा अनुपस्थित थिए । पछिल्लो हप्ता पीएसजीले निम्ससंग लिगको पहिलो खेलेको थियो । सोही क्रममा क्लबका समर्थकले नेयमारलाई क्लब छाड्न भन्दै नाराबाजी गरेका थिए ।

लियोनार्दोले भनेका छन्, ‘नेयमारले गल्ती गरेका छन् ।’

‘मैले उनलाई यसअघि चिन्दिन थिए । धेरै पछि मैले उनलाई चिन्ने मौका पाए । म ईमान्दारका साथ भन्छु, उनी असल मानिस हुन् । निकै राम्रो ह्दय भएको । मैदानमा उनी बिशेष क्षमता भएका खेलाडी हुन् ।’ उनले भने ।

लियोनार्दोले प्रशिक्षक थोमस टुचेलको समुहबाट नेयमार बाहिरिएको समाचारको समेत खण्डन गरेका छन् ।

ब्राजिली स्टार नेयमारले मे ११ बाट पीएसजीका लागि खेलेका छैनन् । कोपा अमेरिकाको दौरान उनले चोट बोकेका थिए ।

‘यो गलत हो । उनी समुहबाट बाहिरिएका छैनन् ।’ लियोनार्दोले भनेका छन् ।

‘उनले आफ्नो ब्यक्तिगत पुर्नस्थापनाको कार्यक्रम गरिरहेका छन् । उनी पीएसजीका खेलाडी हुन् । उनी अझै पेरिसका ३ बर्षका खेलाडी हुन्, त्यो कुरा बिर्सन हुदैन । हामीले सबै कुराको बिश्लेषण गर्नुपर्छ । उसले फेरी खेल्नु अघि हामीले सबै चिज ठिक पार्नुपर्छ ।’ उनले भने ।