स्पोर्ट्स अवार्ड विजेता युकेश र योगेशलाई बाइक हस्तान्तरण

काठमाडौं । एनएसजेएफ बजाज पल्सर स्पोर्ट्स अवार्डमा वर्ष पुरुष खेलाडी घोषित युकेश गुरुङ र वर्ष प्रशिक्षक बनेका योगेश भट्टराईले बजाजको पल्सर मोटरसाइकल प्राप्त गरेका छन् ।

नयाँबजारस्थित बजाजको शो रुममा सोमबार आयोजित एक कार्यक्रममा प्याराग्लाईडिङका युकेश र योगेशलाई पुरस्कार वापतको पल्सर २०० एनएस मोडलको मोटरसाइकल हस्तान्तरण गरिएको थियो ।

नेपाल खेलकुद पत्रकार मञ्चले गत असार १७ गते घोषणा गरेको एनएसजेएफ बजाज पल्सर स्पोर्ट्स अवार्डमा युकेश वर्ष पुरुष खेलाडी घोषित भएका थिए । यस्तै योगेश वर्ष प्रशिक्षक बनेका थिए ।

इन्डोनेसियामा सम्पन्न एसियन गेम्समा युकेश सम्मलित प्याराग्लाईडिङले नेपाललाई रजत पदक दिलाएका थिए । उक्त टिमको प्रशिक्षकमा योगेश रहेका थिए ।