नेपाललाई पहिलो सफलता, सन्दीपले लिए विकेट

काठमाडौं । सिंगापुरमा जारी आईसीसी टी-ट्वान्टी विश्वकप छनोट अन्तर्गतको एसिया फाइनलको पहिलो खेलमा नेपालले अहिले कतारसँग प्रतिस्पर्धा गरिरहेको छ  ।

ईण्डियन एसोसियसन क्रिकेट मैदानमा नेपालले दिएको १२३ रनको लक्ष्यसहित कतारले जवाफी ब्याटिङ गरिरहेको छ । र, कतारविरुद्ध नेपाललाई पहिलो सफलता मिलेको छ ।

नेपालका सन्दीप लामिछानेले कतारका फैसल जाभेदलाई १ रनमा क्याच आउट गरेर नेपाललाई पहिलो सफलता दिलाएका हुन् । 

कतारले २ ओभरमा १ विकेट गुमाएर १५ रन जोडेको छ ।

यसअघि टस जितेर पहिले ब्याटिङ गरेको नेपालले २० ओभरमा अलआउट हुँदै १२२ रन बनाएको थियो ।